تـــوم_و_چـــــيري
- مريم حبيبتي مين قرقد التيشيرت بتاعي كده!؟
-تلاقي فار ولا حاجة،متشغلش بالك يعني يا محمد،وهات التيشيرت ده كده،
وبدون أي إشارة رميت التيشيرت من البلكونة.
- انتِ مجنونة صح.
-حاجة زي كده يعني.
كنت بصاله بمكر وشبه ابتسامة ظهرت على وشي،مش عارفه هو خد باله ولا لأ،بس تقريبًا لأ،أو اه ...
-والله مجنونة.
سابني ومشي.
دقيقة وسمعت صوته جاي من جوا بيزعق:
- مريييييييييييييييم
استر يا رب ....
-نعم يا حبيبي.
- إيه اللي حصل للتيشيرت بتاعي الجديد يا هانم!؟
كان ماسك التيشيرت بتاعه،كان لسه جايبه جديد الأسبوع اللي فات،بس انا مكنتش راضيه عليه،وطبعًا متوقعين أنا عملت في التيشيرت إيه!
ايوه صح كده حرقت التيشيرت بالمكوى...
-ده....ده...ده....اه ده الفار
- يسلام يختي،هو الفار ده مش قاعد غير في دولابي انا،ومش بياكل غير هدومي انا.
-وأنا مالي أنا طيب يجدع أله،هو أنا امه لاسمح الله يعني !؟
مسكني من الهودي بتاعي،
- هو انتِ مش هتكبري ابدًا و تعقلي و تبطلي حركات توم وچيري دي بقي!
-أنا مالي بردو،الفار جعان هاتله جبنة رومي وانتَ جاي يا حبيبي.
- مريم اطلعي برا،لو شفتك هعلقك من الهودي اللي فرحانة بيه ده، يلا....
-خلاص يعم خارجة متزعقش بس.
خرجت من الأوضة،وعلى وشي ابتسامة ماكره،مهو الأستاذ كان فاكر إنه مثلًا لو جاب حاجة مش عجباني ولا على كيفي أنا ههنيه عليها مثلًا مثلًا يعني....ده بيعينه.
- انا نازل عاوزه حاجة!؟
-وانتَ جاي هات معاك ،شكولاته و مصاصة.
- ده لمين ده !؟
-ليا طلعًا امال ليك.
- صبرني يا رب متجوز طفله.
-بتقول حاجة يا حبيبي؟
- لا يا حبيبتي بقول اذكار الخروج.
-اممممم، بحسب.
- لا متحسبيش تاني بقى،انتِ ساقطة رياضة اصلًا.
بصتله من فوق لتحت،مهو عشان مهندس بقى هيتكبر علينا.
-خلاص يا بشمهندس.
ضحك،وقالي:
- عاوزه حاجة تاني من تحت؟
-لؤه
- مين ياحبيبتي !!؟
-لؤه
-وربنا مجنونة.
كان لسه هيفتح باب الشقة وبنزل،لقاني بناديله...
-استنى عندك.
- في ايه تاني،هتأخر على شغلي كده.
-عادي وإيه يعني.
-معلش منا مش اجازة زيك يا دكتورة.
-خلاص يعمو بقى.
- طيب،كنتِ عاوزه إيه ؟
-وانتَ جاي عدي على البريد استلملي الطرد اللي هناك من فضلك.
- طرد! بريد! طرد إيه ده !!!؟
-احم ،احم، مجموعة روايات اشتريتها اون لاين.
- تااااني .
-معلش ،منا قولتلك هاتهملي طنشتني.
- طيب يا مريم اي أوامر تاني !؟
-سلامتك يا حبيبي.
كان لسه هيمشي لقاني بقوله:
-استنى عندك.
- يا صبر أيوب،إيه تاااني؟
-اقفل زرار القميص،واتلم.
- مريم ادخلي و تقفلي الباب احسنلك.
سابني ومشي،يعني مش هيقفل الزرار! ماشي يا محمد....
محمد نزل شغله،وأنا انهاردة كنت أجازه،رتبت البيت،وجهزت سهره صغننة عشان اعرف اقرأ الروايات بمزاج،عملت ماسك،وحضرتك الغدا،و مستنيه محمد.
- السلام عليكم ورحمة الله وبركاته.
-وعليكم السلام ورحمة الله وبركاته،حمدالله على السلامه.
- عاملة ايه؟
-الحمد لله كويسه.
- ديمًا يا رب،بس انا بسألك عامله ايه على الغدا..؟
-الأكل على السفري روح كل وانتَ ساكت.
كنت بكلمه بغيظ،إيه الرخامة.
- في ايه مالك قلبتي كده ليه.
-مليش
- اوكي.
بصتله بغيظ،رد عليا وقالي:
- أنا كنت بهزر على فكره.
-محصلش حاجة.
سكت،لقيته بيديني شنطة صغيره،كان فيها شوكولاتات كتير و مصاصات.
- حاجات بنوتي اهي.
-شكرًا.
- العفو.
سكت شويه،وافتكرت،
-فين الطرد!!؟
- احم، نسيته.
-نسيته!؟
- معلش انا اسف حقك عليا.
-خلاص محصلش حاجة
-تصبح على خير .
- تصبح على خير!؟
- مش هنسهر .
-مليش نفس.
دخلت وقفلت الاوضة،وعملت نفسي نايمة،شويه و خرجت لقيته قاعد بيخلص شغله،
-طلقني.
- نعم
-طلقني ...
- هو أنا بقولك عيدي يعني !؟
-ما انت شكلك مبتسمعش.
- مريم ادخلي نامي،او تعالي اقعدي عقبال ما اخلص.
-محمد...
- نعم ..
- -طلقني....
- بس يا حبيبتي بقى.
-طب طلقني.
- حاضر
-طب يلا.
- بكره الصبح أن شاء الله.
-هطلقني بكره يعني !؟
- من عيوني يا مريومتي حاضر...
-شفت بقى انك مبقتش تحبني زي الأول،و مبقتش مهتم بيا،وهطلقني بسهولة كده.....
- لا حول ولا قوة الا بالله العلي العظيم ،يا حبيبتي مش انتِ اللي قولتي عاوزه اطلق ...؟
-وانتَ هتستغني عني بسهولة كده ...؟
- لأ،يا حبيبتي هو أنا أقدر بردو...
بصتله،دقيقة،التانية،لقيت نفسي بعيط،محمد بصلي بإستغراب وقالي:
- مالك بس بتعيطي ليه...!؟
- طب انا اسف خلاص.
- بطلي عياط بقى .....
-انتَ مش بتحبني.
- مين قال كده بس،كل ده عشان نسيت البريد ..!
-لأ
- طب خلاص انا اسف...
-مجبتليش مصاصة بالليمون،وانا بحبهااااا.
- كل ده عشان مصاصة،هتطلقني عشان مصاصة ...!
-شفت بقى إنك مستهون بالحاجات اللي بحبها،مبقتش تهتم بيا،كل حاجة شغل،شغل بس ....
- لااا بس خلاص متعطيش،انشلا اترفد حتى مش مهم خلاص بقى..
قالي كده،وحضني،من بين دموعي اللي معرفش ظهرت امتى وازاي اصلًا بس انفع ممثلة حلوه والله،بطلت عياط و هو اعتذرلي وبعدها قالي:
- بصي هاخد إجازه من الشغل بكره،و هسهر معاكِ
-ماشي
- طب يلا هاتي فشار .
ضحكت،وقولتله:
- قوم اعمل عشان الفار كلهم.
- هو الفار ده جاي مع العفش،وانا معرفش..
جهزنا السهره،و سهرنا،وكانت سهره جميلة بصراحة.
- مريييييم.
-نعم!
- فكريني اجيب سم فران،وارمي المكوى..
-ليه.!
- عشان الفار.
-طب السم و عرفنا،ترمي المكوى ليه...!
- معلش مجنون....
-لأ معلش خلي جنانك بعيد عن المكَوى ،مهو لما انتَ ترمي المكوى انا هحرق هدومك از.....
محمد بصلي..
-احم،اقصد ....هكوى هدومك ازاي ....!
- والله !
-اه والله.
- يعني انتِ اللي بوظتي التيشيرت مش الفار....
-بصراحة...
- اه
-الفار حته،وأنا حته...
- هو ايه اللي الفار حته،وانا حته،هو تيشيرتي ولا طبق جبنة رومي.
-خلاص بقى متزعقش.
- اطلعي برا يا مريم عشان معلقكيش...
-يسلاااااام.
- برااا
-بقى كده ...!
- ايوه،براااا
-طب طلقني.
- برااااااا
-خلاص يعم خارجة،اتهد بقى انت و صوتك ده...
- بتبرطمي بتقولي ايه...!
-ولا حاجة،بكح....
- طب برا طيب.
-طب بقولك...
- أرغي ....
- متعرفش كارتون توم وچيري هيبدأ الساعة كام...؟
- براااااا.
گ/مــریمـ گریمـ | بُـــومــةُ الْلَــيْـلُ
