الـنَّــــــــــــدَاهَـــةُ
متعودين ديمًا من واحنا صغيرين أنا وأخويا إننا نسهر يوم في أخر الأسبوع على حسب الدروس و المزاكره ممكن نسهر الخميس أو الجمعة و بما إن احنا خلصنا كل حاجتنا يوم الخميس فسهرنا يوم الجمعة بس المره دي مكنتش انا وأخويا بس، كان بابا و ماما كمان اه واختي الصغيره المهم اليوم ده احنا قررنا إننا نشوف حاجه رعب وفيها تشويق و مختلفة يعني، فقررنا نشوف مسلسل "ما وراء الطبيعة" في بدايه المسلسل كان حلو و هو قصير أصلا بس حلقاته كانت مشوقة وغير انه كان رعب بس كان في معلومات حلوه، المهم كنت مركزه مع المسلسل بس سرحت شويه و بعدين فوقت على صوت أخويا و هو بينادي عليا
-مريم..
-مريييم
-يبنتي!
=ها، في حاجه؟
-بقالي ساعة عمال انادي عليكِ
سوري، سرحت شويه.
-سرحتي شويه اممممم
ايه مالك؟
-لا مفيش
اوك
-اوك نننن
خفه
ضحك،
-طالعك
-المهم بس..
امممم
-بصي كده و شفي المشهد اللي جاي ده
اوك
فعلا بصيت و بدأت اتابع تاني المهم و انا بتفرج على التلفزيون جه مشهد كان مخيف و عادي في نفس الوقت و كان في المشهد ده في حاجه اسمها "النداهة" (النداهة دي من الأساطير الخياليه اللي كانت بتتحكي زمان و خصوصًا في الأرياف عشان مناطق الزراعة و كانوا زمان بيخوفوا الأطفال بيها عشان ميرحوش هناك)
انا بحب الحاجات الرعب عمتًا بس الموضوع ده كان مختلف شويه، شويتين كده.
مدتش للموضوع اهميه بس سرحت في شكل النداهة دي (كان وشها ابيض شاحب اوي و شعرها طويل و اسود و ناعم و نازل على عنيها مغطي عين واحده بس و العين التانيه كان شكلها مخيف اوي كانت لونها اسود داكن و بتنزل ماده سوده شكلها وحش اوي و كانت لابسه حاجه اشبه للكفن كده)
مفوقتش المره دي غير على صوت بابا :
كفاية كده عشان تعرفوا تناموا
ليه كده بس ما المسلسل حلو اهو.
-على اساس انك معانا بقى؟
حصل
-بابا ابعد بنتك دي عني احسنلها دنا كل ما ابوصلها القيها سرحانه.
=خلاص يعسل انا داخله انام اصلا.. ،تصبحوا على خير
كلهم :وانتِ من اهل الخير
دخلت أوضتي وكل واحد فيهم دخل اوضته و المفروض إن الكل نام.
ونا في اوضتي و طفيت النور خلاص و قفلت الباب و لسه هنام فجأه لقيت ال.....
فجأة لقيت *(النداهة)* قدامي بنفس المنظر اللي لقيته في مشهد المسلسل، والسائل الأسود ده نازل من عنيها و شكلها وحش اوي، لسه كنت هصوت و اقوم لقيت نفسي مش قادره اتحرك من مكاني ولا انطق بكلمة خالص، "والنداهة" دي كانت قريبه مني جدا؛ فجأه لقيت نفسي في مكان غير اوضتي، و حواليا ناس شكلها غريب اوي و مقرف جدا و المكان ذات نفسه مختلف،
-ثانيه كدا انا فين؟!
-إيه لبسي ده؟!
-مين دول؟!
لقيت نفسي في مكان غريب؛ اشبه لبيت مهجور صغير جدا و مفيهوش ولا نور ولا اي حاجه حتى، ولبسي كان غريب؛ كان لبسي شبه لبس (النداهة) اللي شفتها في المسلسل؛ وشعري مبهدل جدا، ولقيت (النداهة) دي واقفه قدامي و بتضحك
ثانيه واحده ده دم؟!!!!
-ايه ده ؟
-ايه الدم ده؟!
-انا فين وانتِ مين؟!
كنت متوقعه اي رد إلا الرد ده...
فجأه لقيتها طلعت سكينة من اللبس اللي هي كانت لابساه و بتقولي الدور عليكِ انتِ المره دي، وضحكت بصوت عالي جدا..
لقيت نفسي من غير مقدمات بجري بجنون برا البيت ده
وبعيط و بصوت بطريقه غريبه، وهي ورايا و بتضحك
و تقولي: (النداهة) مش هتلاقي مكان تروحي، الدور عليكِ انتِ
=انتِ مين؟
٠وعاوزه مني ايه؟
٠و دور ايه اللي انتِ بتتكلمي عليه؟
-دورك انت انا هقتلك دلوقتي (وبدأت تضحك تاني)
=انا معرفكيش ولا عملتلك حاجه انتِ عاوزه تعملي معايا كده ليه؟؟
-كله عمل معايا مش انتِ بس، وانتِ عملتي كتير اوي؛ فدلوقتي وقت الانتقام (وضحكت)
انا كل ده عماله ارجع ورا بضهري ونا بكلمها و كذا مره اتكعبل بس مكنتش بقع، بس رجلي كانت عباره عن دم بس، و مره واحده وانا برجع بضهري اتكعبلت، و وقعت على ضهري و كنت قريبه من حاجه شبه البحيرة كده كان يعتبر شعري نزل في المايه اصلا، ببص عليها لقيتها بتقولي وهي بتضحك :
-مش بقولك مش هتلاقي مكان تروحيه و ده وقتك انتِ.
انتِ هتعملي ايه فيا؟!!
لقيتها مره واحده من غير اي تقديم مسكت السكينه اللي كانت معاها و لسه هتـ......
لقيت "علي" اخويا بينادي عليا بصوت عالي فوقت على صوته،
-ايه يبنتي روحتي فين؟
هاا..
ايه ده ازاي يعني كل ده محصلش؟!
يعني انا تمام؟!
امال ايه "النداهة" دي ؟!
وانا كنت فين؟!
فوقت تاني على صوت "على"
مرييييييم!
هااا
هاا ايه؟
انا كل ما اكلمك تقوليلي هاا!
مالك انتِ كويسه؟
اه،اه، انا تمام.
في ايه؟!
-دنتا مش معانا خالص بقى.
ايه يبني في ايه؟
-ولا حاجه تعالي يلا انا جبتلك شكولاته و مصاصه زي ما انتِ بتحبي، يلا بقي عشان هبدأ اشغل المسلسل يلا بقي، سمعت ان المسلسل ده جامد يلا بقي.
يلا يخويا، اهم حاجه المصاصة و الشكولاته.
بشوف اول جزء من المسلسل لسه لقيته بيتكلم عنها (النداهة)، وكان اول جزء عن المسلسل عباره عن واحده بتقتل واحده!
-ثانيه ده نفس اللبس، ونفس المكان!!!
-ازاي؟!
-ايه اللي حصل معايا ده؟!!!
ك/مــریم كـريـم "بُـــومــةُ الْلَــيْـلُ"
النـــــــــــداهة
